Bagianai kayo Rio,Ninik Mamak Datuk,Teganai Dan sebutan Adat Lainya
Banyak Lubuk Dingan keluk dusun kamantang basawah dalam payo,Banyak sado kito dingan duduk nampoknyo ngusi kayo kaman tatumbuk kato.Bdin Jepun dibangka hulu untuk panimbang undang dipagaran minta ampun kaman dulu karno kato kato ngan kaman sampekan
Sairing pepatah kaduao, Basabung umbak dipantai, riaknyo manyinsing ketepian,karanglah kapa sakutiko bukan kaman cerdik serto pandai,sungguhpun kaman baparno kato kato lembago ngan kaman sampaikan
Sebalik dari itu pulo Basimpuh sembah sujud kito dari sko dingan satakah ngadangk sko dingan duo takah Baik itu urat sendi dingan tujuh lahir maupun bathin ngan telah menentangkan muko ngadang ngusi kito basamo pado ahai inih ngan mano ahai dingan ilok katiko dingan jayo, Kapulang sko dingan duo takah ngadang ngusi kito ninik mamak pulang arah pulang ajum marah ngan maniti cupak dingan gantang basarto dingan anok buah anok batino.Ngan mano kito ninik mamak nian ngan bajalang dulu salangkah bakato dulu sapatah,tau diuhang masuk tau pulo diuhang kalua dingan nguhong kepetang ahai dingan melepeh dipagai ahai,kok lalau tempat uhang batanyo kok balik tempat uhang muo barito, Dalam mengarah mengajum anok buah anok batino antah jauh yo kito ulang kok yo dekat kito kadano jauh kito paga dingan mato atai dekat kito paga dingan mato kapalo
Sebalik dari itu pulo Rio ,,,,
Kito bilang pulo asal dingan usul, sebab dingan kureno ,kalu idak kito bilang asal dingan usul sebab dingan kureno samo pulo dingan ayie dalam sayak ,idak sentau ulu dingan muaronyo,makonyo kito bilang asal dingan usul sebab dingan kureno adat bulat mak bisa kito gule adat pipih mak bisa pulo kito layang.Mano nagan dikatokan asal dingan usul sebab dingan kureno sesuai pulo dingan ayatnyo
RASSALLU MINNALLOH USSULU MINANABI, Asal dingan datang dari pado alloh usul dingan datang dari pado nabi Mano ngan dikatokan asal datang dari pado alloh iolah sesuai pulo dingan ayatnyo KUN FA YAKUN Jadi mako jadilah ,apo ngan terjadi Rio iolah bamulo dari pado langit tasintak naik bumi ngan tasintak turun kuaso dari pado alloh mako alam tekembang menjadi dunia dunia tekembang menjadi negeri dingan kito tunggau sampe minin warai dari uhang tuo dulu makonyo waraih dari uhang tuo dulu nyo banamo dusun dingan kampung dusun ngan balahik kampung ngan baluhak waraih ngan basambut khalifah ngan bajunjung,makonyo alam barajo luak bapanghulu kampung batuo umah ngan batagane
Sebalik dari itu pulo Rio ,,,
ngan dikatokan dengan usul Sesuai pulo dingan ayatnyo sesungguhnyo aku datang rahmat bagi sekalian alam mano ngan muo kah rahmat bagi kito rio iolah bamulo dari pado nabi adam dingan berujung pado nabi muhammad dingan muo kah ajaran dingan bena makonyo kito tau halal dingan haram sunat dingan wajib hukum dingan makruh dingan kito pake pulo dalam adat mano ngan kito pake dalam adat iolah ilok dipandang mato lemak didenga talingo baguno pulo pado uhang banyak,makonyo adat basendi syarak,syarak basendi kitabbulloh syarak dingan ngato adat dingan make,syarak kembang kamuko adat kembang kelakang ,syarak kembang kamuko dengan berpedoman kito pado algur,an berpetunjuk kito pado uhang sulluh bindang,Adat kembang kelakang dingan nambik contoh pado ngan telah sudah,nambik bukti pado ngan lah tauji,adat dekat bausi adat jauh batunjuk,adat kumoh basesah,adat patah tumbuh tuneh hilang bagentai, matai mamak bagalang panakan,buruk li bagenti li buruk pua jalipung tumbuh ,hilang cincin permato timbung ituhnyo adat lamo pusako dingan usang.
Sebalik dari itu pulo Rio,,,
Ngan dikatokan dingan sebab dingan kureno iolah sebab ngan lah tasedik diatai takarang dilidah lah taucap dikato dingan lah didenga uhang banyak iolah ngan menjadi hajat dingan maksud anok batino kito pado ahai inih 1. muo anak kasunge
2. hakikah
3. Dan hajat lainyo
BERSAMBUNG,,,,,,,,,
BY. Edytorial Rio
Tidak ada komentar:
Posting Komentar