AssalammualaikumwarahmatulahiwabarakatuBeginai kayo ibu sko ( Depati ),,,,,
Ngan mano perjalanan siheh anok batino kito pado ahai inih lah samo kito taliti
dari anok jantang lah sampe pulo ngusi kaman ninik mamak dumah ,adat bajalang bejenjang naik betakah tuham,adat bulat mak bisa kaman layang adat pipih mak bisa pulo kaman layang .
Ngan mano kayo ibu sko inih umpamo kayu gedang di tengoh padang ,batangnyo gedang tempat basanda ,daun ngan lebat tempat bateduh,dahan ngan kaut tempat bagantung ,bangka ngan liba tempat basilo,tempat cupak dingan gantang tempat batuek anok buah anok batino.
Ngan mano Kayo ibu sko nia dingan tau gentan ngan akan putaih tau pulo biang ngan akan tebuk,,ngan mano kayo ibu sko makang ngan abaih,mancung ngan putaih,adat bulat mak bisa kaman gule adat pipih mak bisa pulo kaman layang tentang sihih anok buah anok batino kito pado ahai inih kaman ndok minta kato persetujuan dari kayo tingkat depati,,lom kayo nitik lom pulo bisa kamn tampung,sepatah kato persetujuan dari kayo depati sebagai pengembang lapik kejo anok buah anok batino kito pado ahai inih,
Sadu ituh dulu perno ngadap ngusi kayo ibu sko minin kamn nantik titik jok kayo asalamualikum warah matulohiwabarakatuh
BY.,,Edytorial ,Rio
Tidak ada komentar:
Posting Komentar