KATO KATO PERNO ADAT KERINCI, PENYAMPAIAN HAJAT ANOK BATINO,part Lanjutan

        Beginai kayo Rio ,,,, ngan mano dikatokan dingan karno iolah alam barajo luak bapenghulu kampung batuo umah ngan batagane ,dingan menjadi junjung penegok kjo anok buah anok batino kito iolah jatuh pado kito ninik mamak kareno ninik mamak ngan bajalang dulau selangkah bakato dulau sepatah,kito ninik mamak nian dingan tau sirup buhul jingkul paku anok buah anok batino,tau diuhang masuk tau pulo diuhang kalua dingan nguhong kah petang ahai dingan malepehkah pagi ahai,lalau tempat uhang batanyo balik tempat uhang muo barito.

    Rio,,,,Kok yo kito sebena junjung tentu kitro tahan panjat tentu kito tahan lilit,idak pulo kito nak muo bah,idak pulo kito ndok manimpo,,duduk batahan tapak tegak batahan sanggo kito munantik uhang dingan tibo kito pulo ngan malepeh uhang ngan balik,

Sebalik dari itu pulo Rio,,,,Kerno anok buah anok batino kito idamp nduk dikandung sko matai bagalang tanah,idak nduk nyumbing adat idak pulo nyo nduk ngupak lembago,inih sihih ngan sabuko ,gambe dingan sakalipak ,pina dingan setangke ukok ngan sebatang ngan dikatengah dalam cerano mendokan puteh kapeh buleh dikimok puteh atai berkenyataan,siheh pamulo sembah gambe pamulo baso ,pinang pamulo imba ukok pamulo kato, kapo pamulo tanyo, hendaknyo pintak anok batino minta dibuleh ,kendak anok batino minta dilakau ,sepanjang adat lah dituhut sepanjang lembago lah di jalang mudah mudahan utang lpeh sando kumbalai.

Rio,,,,,Sadu itulah perno kaman sampe kok jarang sisamp dikayo kehang cabut dikayo kok kurang tambah dikayo  bak pepatah mengatokan buah palo dilingka paga ambik galah tulong julukan ,kaman uhang mudo sulung balaja kalu salah tulong tunjukan ,darh bahu setampuk pina umo baru seusio jagung lah wajar pulo kaman mintak tuah pado kayo ngan tuo,,,bak pepatah mengatokan kalu ado kayo bubilah jadi kutungkat mumikat balam ,bamulo kato dingan bismilah penutup kato dingan salam                                 

               ,,,,,, ASSALLAMMUALAIKUM WAROH MATULOHIWABARAKATUH,,,,,, 

 Tunggu dalam Versi Lainyo,,,,,,,,BY Edytorial Rio,,,,,