Beginai kayo mangkau ,,,,,
nagan mano perjalanan siheh anok batino kito pado sahai inih lah samo samo kito kimok , adat bejalang bejenjang naik batakah turun dari anok jantang lah sampe kepado ninik mamak dumah ,dari ninik mamak dumah lah sampe pulo kepado kaman ninik mamak ngan batigo duduk dalam adat menguleh kato lembago,minin kaman ndok magih tau pulo kepado kayo pemangku ngan baduo
mangkau,,,,ngan mano kayo pemangku megang ceman dingan idak kabo megang lantak ngan idak guyah,megang ceman dingan idak kabo ,kayo nampak kah gamba dingan nyato kayo kilangk cahayo dingan terang dalam mencerminkah anok buah anok batino dalam negehai ngan basudut empat inih,,kayo megang lantak ngan idak guyah kayo tau tebin ngan babateh,kayo tau uku dingan jangko,kayo tau lahi ngan baluhak,,dalam mengarah mengajun anok buah anok batino penyimpan kayo idak luak,penahuh kayo idak kurang,sabarih idak bulih hilang satitik kayo bapantang lupo
Sebalik dari itu pulo mangkau,,,minin kaman nduk magih tau kepado kayo tingkat pemangku tentang hajat anok batino kito pado ahai inih ngan mano ahai dingan ilok katiko dingan jayo,,ngan mano hajatnyo
1.ndok menikahkan anoknyo baik secaro syarak maupun secaro adat
2.Sedekah ngusi uhang arwah uhang tuo dulau ngan tuan arah tuan ajun negehai
3.dan hajat lainyo
saduh itulah pernonyo ngadap ngusi kayo pemangku ,,kayo pulo dingan nyampe ngusi ngadap uhang tingkat dateh ASSALAMUALLIKUM WARROH MATULLOHIWABARAKATUH
Tidak ada komentar:
Posting Komentar